الفصل الخامس — الحالة الاجتماعية في عصر الماتريدي – مقدمة تأويلات أهل السنة

پانچواں باب

عصرِ ماتریدی میں معاشرتی حالات

اس میں کوئی شبہ نہیں کہ کسی بھی عہد کے سماجی حالات معاشرے کے عام و خاص تمام افراد پر یکساں طور پر گہرا اثر ڈالتے ہیں، اور غالباً ان حالات سے سب سے زیادہ اثر قبول کرنے والا سماجی طبقہ علماء کا ہوتا ہے؛ کیونکہ وہ لوگوں کی عملی زندگی سے سب سے زیادہ جڑے ہوتے ہیں، ان کے معاملات و احوال سے گہری دل چسپی رکھتے ہیں اور ان کے مسائل سے واقفیت حاصل کرنے اور ان کے حل کے لیے سب سے زیادہ کوشاں رہتے ہیں۔

اور سماجی احوال کے مطالعے سے ہمارا مقصود یہ ہے کہ قومیت و نسل اور دین کے اعتبار سے معاشرے کے طبقات کو واضح کیا جائے، اور ان مذہبی، معاشی یا سماجی رشتوں اور روابط کو بیان کیا جائے جو ان طبقات کو ایک دوسرے کے ساتھ جوڑتے ہیں۔

اسی طرح سماجی حالات کا مطالعہ معاشرے میں طرزِ زندگی کے مختلف مظاہر و پہلوؤں پر بھی خصوصی توجہ دیتا ہے۔

اور جس تاریخی دور سے ہم بحث کر رہے ہیں، اس کے معاشرتی حالات کا ہمارا یہ مطالعہ دو مباحث پر مشتمل ہے، جو یہ ہیں:

پہلا مبحث: دولتِ عباسیہ کے باشندے اور آبادی۔

دوسرا مبحث: سماجی زندگی کے مظاہر۔

* * *