تفسير سورة النجم، الآيات 51–54

پھر اللہ تعالیٰ کے فرمان: (عَادًا الْأُولَى) کی تفسیر میں اہل علم کا اختلاف ہوا؛ ان میں سے بعض نے کہا: عاد دو قومیں تھیں:

ان میں سے ایک: قومِ ہود تھی، اور وہی پہلی قوم ہے جنہیں تند و تیز ہوا کے ذریعے ہلاک کیا گیا، جبکہ دوسری قوم [ملوکِ] فارسِ اول کے زمانے میں تھی۔

اور بعض نے کہا: عادِ اولیٰ سے مراد وہ امتیں ہیں جنہیں پہلے ہلاک کیا گیا تھا، اور اہلِ مکہ اور یہ لوگ عادِ ثانیہ (دوسری عاد) ہیں۔

اور اللہ عزوجل کا فرمان: (وَثَمُودَ فَمَا أَبْقَى ۝٥١) یعنی اللہ نے قومِ ثمود کو بھی ہلاک کر ڈالا۔

اور اللہ کے ارشاد: (فَمَا أَبْقَى) کے متعلق بعض مفسرین نے فرمایا: یعنی اللہ نے ان کی جڑ کاٹ دی اور ان میں سے کسی ایک کو بھی باقی نہ چھوڑا؛ یعنی ان کی ہلاکت کے بعد ان کی ایسی کوئی نسل باقی نہ رکھی جس کے ذریعے وہ یاد رکھے جاتے، جس طرح کہ اللہ تعالیٰ نے انبیاء اور رسل علیہم السلام کی نسل کو باقی رکھا۔

یا یہ کہ ان کے خیر کے آثار میں سے کچھ بھی باقی نہ چھوڑا، جیسا کہ اللہ نے رسولوں اور ان کے پیروکاروں کے آثار ہمیشہ ہمیش کے لیے باقی رکھے، واللہ اعلم۔

اور اللہ عزوجل کا فرمان: (وَقَوْمَ نُوحٍ مِنْ قَبْلُ إِنَّهُمْ كَانُوا هُمْ أَظْلَمَ وَأَطْغَى ۝٥٢) یعنی وہ کہیں زیادہ بدترین ظالم اور حد درجہ سرکش تھے؛ کیونکہ نوح علیہ الصلاۃ والسلام نے انہیں پچاس کم ایک ہزار سال تک اللہ کی توحید کی دعوت دی، مگر اس دعوت نے ان کی دوری اور تکبر میں ہی اضافہ کیا؛ جیسا کہ اللہ تعالیٰ نے خبر دی: (فَلَمْ يَزِدْهُمْ دُعَائِي إِلَّا فِرَارًا) (لیکن میرے بلانے سے وہ اور زیادہ گزیر کرتے رہے)۔

اور اللہ عزوجل کا فرمان: (وَالْمُؤْتَفِكَةَ أَهْوَى ۝٥٣) کہا گیا ہے کہ: [اس سے مراد] لوط علیہ السلام کی بستیاں ہیں، یعنی اللہ نے انہیں بھی ہلاک کر دیا۔

اور اللہ کے فرمان: (أَهْوَى) کے متعلق کہا گیا: یعنی انہیں جہنم کی آگ میں گرا دیا۔

اور ایک قول یہ ہے کہ: یعنی انہیں آسمان سے زمین کی طرف پٹخ دیا؛ جیسا کہ منقول ہے کہ جبرائیل علیہ السلام نے ان بستیوں کو آسمان تک اٹھایا اور پھر زمین پر دے مارا۔

اور اللہ عزوجل کا فرمان: (فَغَشَّاهَا مَا غَشَّى ۝٥٤)۔

کہا گیا ہے: اس کے بعد ان پر پتھروں کی بارش برسا کر ڈھانپ دیا، اور انہیں زمین بوس کر دیا۔

اور ایک قول یہ ہے کہ: ان کے مسافروں اور جو لوگ بستی سے غائب تھے، انہیں بھی پتھروں سے ڈھانپ دیا [یعنی ان پر پتھر برسا کر ہلاک کر دیا]۔

اور ایک قول یہ ہے کہ: المؤتفكة سے مراد جھٹلانے والی بستی ہے؛ یہ لفظ الإفك سے ماخوذ ہے جس کے معنی جھوٹ کے ہیں۔

اور ایک قول یہ ہے کہ: [اس سے مراد] الٹ دی جانے والی بستیاں ہیں؛ ائتفكت یعنی وہ الٹ دی گئیں، اور (فَغَشَّاهَا) یعنی لوط علیہ