تفسير سورة الرحمن، الآية 78

اور قتیبی اور ابو عوسجہ نے کہا ہے: قرآن کے علاوہ دوسری جگہوں میں "عبقری" ان کپڑوں کو کہا جاتا ہے جو "عبقر" میں بنائے جاتے ہیں، اور یہ ایک بستی ہے، اسی کی طرف نسبت کی جاتی ہے۔

اور عز و جل کا فرمان: ﴿تَبَارَكَ اسْمُ رَبِّكَ ذِي الْجَلَالِ وَالْإِكْرَامِ ۝٧٨﴾ ابو بكر اصم نے کہا ہے: تیرے رب کا نام اس بات سے پاک و برتر ہے کہ اس کے نام کا مستحق اس کے سوا کوئی اور بنے۔

اور اس کا فرمان: (ذِي الْجَلَالِ) یعنی: اس نے مخلوق پر یہ حق لازم کیا ہے کہ وہ اس کی جلالت اور عظمت کا اعتراف کریں کہ وہ اس بات سے منزہ ہے کہ اس کے نام کے ساتھ کسی اور کا نام رکھا جائے، اور "الإكرام" یہ ہے کہ اس کے ساتھ ایسی چیزیں نہ جوڑی جائیں جو اس کی شان کے لائق نہیں ہیں، جیسے اولاد، شریک اور دیگر چیزیں۔

پس اگر یہ پوچھا جائے کہ: عز و جل کے اس فرمان ﴿فَبِأَيِّ آلَاءِ رَبِّكُمَا تُكَذِّبَانِ﴾ کو بار بار دہرانے کی کیا حکمت اور فائدہ ہے؟ تو (جواب یہ ہے کہ) آسمانوں اور زمین میں جو کچھ بھی ہے اس کی نعمتیں اللہ تعالی کی وحدانیت پر دلیل دینے اور اس بات کی گواہی دینے میں کہ وہی سب کا خالق ہے، اپنے رسولوں کو بھیجنے والا ہے، اور جو کچھ وہ اس کی طرف سے لے کر آئے ہیں اس کی سچائی پر دلالت کرنے میں (استعمال ہوئی ہیں)، اور وہ اس طرح کہ جیسا کہ ہم نے ذکر کیا ہے ان تمام چیزوں میں مال، کھانا اور پینا شامل ہے، اور یہ بالکل ایسے ہی ہے جیسے کوئی انسان کسی دوسرے کو ملامت کرتے ہوئے اور عتاب کرتے ہوئے کہے: کیا تو بھوکا نہیں تھا تو میں نے تجھ کو کھانا کھلایا؟! کیا تو اس کا انکار کرتا ہے؟! کیا تو پیاسا نہیں تھا تو میں نے تجھ کو پانی پلایا؟! کیا تو اس کا انکار کرتا ہے؟! اور اسی طرح کی دیگر باتیںـ

اور یہ بھی جائز ہے کہ اس تکرار کا فائدہ اس کے علاوہ کچھ اور ہو، اور وہ یہ کہ یہ کلام وعظ اور یاد دہانی کے اسلوب میں بیان ہوا ہے، اور وعظ اور نصیحت کا مزاج یہی ہوتا ہے کہ اس میں تکرار اور اعادہ کیا جائے؛ تاکہ وہ دلوں میں زیادہ اثر کرنے والی، دلوں کو موہ لینے والی اور قبولیت کے زیادہ قریب ہو، اور صواب کو اللہ ہی بہتر جانتا ہے۔

* * *